|
|
Main » 2010 » 4-p cap » 6 » Дэлгэрмаа эгч
|
Дэврүүхэн бага насны сониуч гэнэхэн ухаанд
Дэлгэрмаа эгчийг хайрлах сэтгэл багтдаг байсан
Дэнжийн ногоо тасдаж хөл нүцгэн дэгдсэн
Дэнгийн эрвээхэй шиг насний минь
Дан цамцтай мөрөөдөл
Өглөө үдшийн сэрүүнд үнээ эвлэгэж суухад нь
Өөрөө ч дийлэлгүй гудчуулан тугал татаж зогсохдоо
Долгор ажаагын аргалыг түүх дуртай байдаг шиг
Домбон цагаан ёотон горьдож зогсдоггүй байсаан
Ийм л эгчтэй болохсон гэж үе үехэн санааширхад
Эвэлж гүйцсэн үнээний туаглыг татхаа мартдагсан
Сайхан зантай эгчийнхээ дэргэд нь байхийг мөрөөсхөд
Сайлийн жар үнээ цөөхөн юмшиг чамлагддагсаан
Агтлах тугалын сэчнээн гуд татуулан сөгжиж
Арав хүрээгүй нас минь тугалын тамиргүй хэрнээ
Ардаг морин дээр хөндөлсөн саахалтын ганган санзайгаас
Алаг нүдэн эгчийгээ хармалхийн тэнхээтэй явсан
Энгэр дэлэгсэн эцгийнхээ элгэнд наалдан сууж
Эрлийн хүний яарьсан үлгэр сонсон хөгжихөд
Туурга нэвт уяатай гэрэлт төгс хат нь
Тулган дундаа үзэхшиг манай хотыхон баясахад
Зүйл зүйлийн юмыг зүүдэн дотроо амьлуулж
Зөн бэлэгтэй үлгэрийн баатар нь болдог хэрнээ
Гэр нэвт гэгээтэй ч Дэлгэр эгчийг минь гүйцэхгүй гэж
Гэрэлт төгс хатныг үлгэрийх гэлтгүй голдогсоон
Дэлгэр хэтийн наадамчид хөтөл даван одход
Дэмий л би хойноос нь санаа алдаж зогсож
Эмнэгийн булгианд хазайдаггүй ханхар эр болчихоод
Эгчийг дагуулан тэгээд наадамд явмаар бодогддогсоон
Эндээс явахдаа өмссөн хүрэн торгон дээл нь
Эмээлийн бүрэг нугларч хормой нь жоохон үрчийсэн
Замын сайвар борлогонд хонлой даван хөлөрч
Задгай гүйдэлд алхаандаа толгой хаялан дүүхэлцсээр
Холбоон дээр байсан ижийтэй минь үдэлж
Хорлоо эгчтэй хоёулаа уяан дээр ирээд буухад нь
Гурав хоноод ирсэн ч аянд явсан юм шиг санаж
Ганган санзаатай хамт ирээгүйд нь баяралдагсаан
Аавынхаа өврөөс гараагүй хонгорхон бага насандаа
Айлынхаа хөөрхөн эгчид битүү санааширч явсан минь
Дэгэж дэрэвсэн насандаа сайхны хажууд эрэгцэж
Дэндүү уяханы өмнө хүншиг гуньж эхэлсэнийх юм болов уу
Дэврүүхэн бага насны сониуч гэнэхэн ухаанд
Дэлгэрмаа эгчийг хайрлах сэтгэл багтдаг байсан юм
|
|
Views: 851 |
Added by: Ganaa
| Rating: 0.0/0 |
|
|